” مع إيقاف التنفيذ” : بقلم شريف درويش

135

 

أنا قررت أبقى لذيذ

لكن مع إيقاف التنفيذ

مش قادر أبيّن وش بيضحك

مع ناس تفرس وتغيظ

وشوش معجونة كلام مغشوش

ويقولوك غالى وعزيز

لو سألونى إزاى الحال

بكدب وبقول عال العال

وأنا قلبى صامد وحديدى

ناس بتروح وناس بتيجى

اللى قلّ بأصله واتنسى

واللى قرر يبعد بعيد

و اللى على دمه اختشى

وسامحته أنا من جديد

أنا فعلا عايش محتار

طيبة قلبى خلتنى انهار

لكن رغم ده كله أنا بضحك

و الضحكة ماليها استهزاء

خايف الجد يخلينى أهلك

و أموت موتة السفهاء

واجعانى الناس اللى تمثل

بقناع ملبوس طول الوقت

على جرحى عايشة بتستقتل

كنت أعمى وأذونى فتحت

تعملوا كده وإنتم جارحنى

أمال لو  أنا اللى جرحت؟

قد يعجبك ايضآ
تعليقات
Loading...