الكاتبه سمر إبراهيم تكتب (أماكن مسكونه “بئر برهوت”)

239

#أماكن_مسكونة_بقلم_سمر_إبراهيم
#بئر_برهوت

#الجزء_الأول
.
النهاردة يا حلوين هنتكلم عن مكان من أشهر الأماكن المسكونة فى العالم.

المكان ده غريب جدا جدا اتقالت عليه أساطير كتيرة جدا من قديم الأزل والى الآن.

هنتكلم عن بئر برهوت

البئر ده اتقال عليه كلام كتير جدا حتى الرسول صلى الله عليه وسلم اتكلم عنه وقال عنه أبغض بقاع الأرض وبه أشر ماء على وجه الأرض.

البئر ده موجود في اليمن بس اللي كتير ميعرفوهوش هو إن موجود في اليمن ٣ أماكن يقال عليها بئر برهوت من ضمنهم مكانين عليهم خلاف كبير جدا أي واحد فيهم هو بئر برهوت الحقيقي.

البئر الأول: هو بئر شوران الموجود في محافظة شَبْوَة في اليمن والبئر ده صحيح بيطلق عليه بئر برهوت بس الكل عارف إنه مش هو المقصود بالظواهر الخارقة لأنه إمتداد لبحيرة يعني معيتبرش بئر من الأساس.

البئر الثاني: هو بئر الكَسَفَة أو الخسفة(خسفت فوجيت أو كسفة فوجيت) والبئر ده موجود في منطقة فوجيت _ مديرية شحن محافظة المهرة.

ويقال إن تم تسميته بهذا الإسم لأنه اتكون نتيجة ارتطام جرم سماوي بسطح الأرض نتج عنه البئر ده.

البئر الثالث: وهو مغارة برهوت وموجودة في قلب الجبال شرق محافظة حضرموت جمب قرية تنعة في وادي الأحقاف جمب قبر سيدنا هود عليه السلام.

المغارة دي بقى مغارة ضلمة جدا وعميقة وبتعيش فيها الثعابين والخفافيش وبتخرج منها ريحة كبريت عالية جدا
علشان كدا قال السكان المحليين إن المغارة دي هي المقصود بيها بئر برهوت الحقيقي.

ومن هنا بدأ الخلاف بين اللي بيقولوا إن بئر كسفة ده هو البئر الحقيقي وبين اللي بيقول إن المغارة هي المكان الحقيقي لبئر برهوت.

الحقية إن لحد إسبوع واحد بس مكانش فيه خلاف كبير أو خناقة كبيرة على أي بئر هو البئر الحقيقي مكانش فيه أي مشكلة خالص وكان معظم الناس في العالم بتعتقد إن بئر فوجيت هو بئر برهوت الحقيقي.

قطر فوهة بئر فوجيت من فوق ٣٠ متر ومكانش حد عارف عمق البئر قد إيه بالظبط ولا قطر الفتحة من تحت قد ايه بالظبط كانوا بيقولوا بالتقريب كدا ومعظم الآراء قالت إن طول عمق البئر ٢٥٠م بس الكلام ده مطلعش مظبوط أبدا.

إشاعات وأقوال كتيرة جدا اتقالت عن البئر ده؛ زي إنه
بيطلع منه حمام أبيض ببهاجم أى حد بيمر من جنبه، ومليان بالأفاعي كبيرة الحجم وعجيبة الشكل، بيخرج منه ريحة نتنة جدا، وأبخرة سامة، ومتقدرش تشوف أى حاجة جواه إلا لو اشعة الشمس متعامدة عليه .

لما الرؤية بتوضح وتقدر تشوف إللى جواه بتلاقى طبقة سميكة وغريبة من الخضرة تغطى قاع البئر وكمان بتسمع صوت المية أكنها مية بحر جارية أو شلال مية مش مية راكدة أبدا.

من الكلام إللى تقال عنه إن بتتحبس فيه أرواح الكفار وتتعذب فيه.

فيه واحد زمان قال إنه كان بايت فى وادي برهوت وسمع بالليل صوت طالع من البئر بيقول يا دومة يا دومة ولما سأل قالوله إن ده اسم الملك الموكل بعذاب الكفار.

كمان كانوا بيقولوا إن لما زعيم من زعماء الكفر بيموت كانوا بيشموا من البير ريحة وحشة جدا لا تطاق.

كمان كان فيه رواية معروفة عند كتير من الناس الرواية بتقول إن كان فيه واحد غني جدا راح يؤدي فريضة الحج ولما لبس لبس الإحرام مكانش عارف يشيل فلوسه فين فراح سأل في الحرم عن أكتر واحد أمين موجود.

شاوروله على شيخ عجوز وقالوله دا أكثرنا أمانة راح الراجل وادى للشيخ ١٠٠٠ دينار على سبيل الأمانة وراح علشان يؤدي الفريضة.

لما رجع وراح يشوف الراجل ويسترد أمانته لقى فيه لمة من الناس حوالين المكان ولما وصل لقى الراجل توفى، طبعا وقع في مشكلة كبيرة هيعمل إيه عايز فلوسه راح لورثة الراجل العجوز بس كلهم أجمعوا إن أبوهم مكانش معاه فلوس لما توفي.

الراجل بقى يضرب كف على كف وراح لشيخ من مشايخ الحرم اللي قاله يروح عند بئر زمزم الساعة ١٢ بالليل وينادي على إسم الراجل لو هو من أهل الجنة هيرد عليك وإسأله زي ما انت عايز وهيجاوبك.

لو مردش عليك يبقى تروح اليمن لحضرموت وتقف عند بئر برهوت وتنادي عليه لو رد عليك يبقى من أهل النار.

وفعلا الراجل راح لبئر زمزم ونده بإسم الراجل محدش رد عليه قام بسرعة شد الرحال لليمن ولما راح عند بئر برهوت ونادى على إسم الراجل رد عليه ولما سأله على مكان الفلوس قاله عالمكان اللي شال الفلوس فيه ولما سأله هو ليه هنا مش مع أهل الجنة قاله إنه كان قاطع لرحمه.

طبعا مقدرش أنفى أو اثبت الكلام ده فالعهدة على الراوى وإن كان معظم الكلام ده صعب التصديق.

من كام قرن كدا كان فى جفاف شديد فى حضرموت وندرة فى المية شديدة فقرروا ينزلوا واحد البير علشان يجيبلهم مية فربطوا واحد بحبل ونزلوه ولما نزل قعد يزعق ويقولهم طلعونى طلعونى ولما شدوه مطلعش معاهم فى الحبل إلا نصف جثته فقط لا غير.

كمان كان فى واحدة بترعى الغنم وسابت إبنها الرضيع جنب البئر وفجأة الطفل اختفى من قدامها ومظهرش تانى أبدا.

من فترة شركة يمنية قررت تستكشف البئر ويصوروا إللى جواه فربطوا واحد بحبل ونزلوه ومعاه كاميرا فيديو ولما نزل على عمق ١٠٠ متر قالهم يطلعوه بسرعة ولما طلعوه وسألوه فى إيه قالهم إنه شاف فوهة البئر بتقفل وهو فيه ولما جم يشوفوا الفيديو لقوا الصورة عبارة عن ظلام فقط لا غير مع إنهم نزلوه فى وقت كان النور ضارب فى البير.

من ضمن الأساطير والإشاعات إللى اتقالت عن البئر إن إللى بناه ملوك الجن علشان يعملوه سجن للى يتمرد أو يخالف الأوامر من الجن علشان كدا بيخرج منه الروايح والدخان السام ده.

فى ناس بقى قالت لأ إللى حصل إن كان فيه ملك حِمْيَري كلف الجن يبنوله البئر ده علشان يخفى فيه الكنوز بتاعته ولما مات استوطن الجن البئر وعلشان كدا سموه برهوت ومعنى الإسم فى اللغة الحميرية وادى الجن.

وطبعا فى ناس أنكرت كل ده وقالوا كل دى اشاعات وأكاذيب وإن سبب ريحة المية إنها مية راكدة مبتتحركش وطبيعى يبقى فيها أفاعي وحاجات مش كويسة إنما مش شرط تكون حاجة خارقة للطبيعة.

هستعرض معاكم دلوقتى أحاديث الرسول صلى الله عليه وسلم والصحابة عن البئر ده

قال رسول الله صلى الله عليه وسلم «خير ماء على وجه الأرض ماء زمزم، فيه طعام من الطعم، وشفاء من السقم،

قد يعجبك ايضآ
تعليقات
Loading...