الكاتبه نورهان نصار تكتب .. إعلان بالأفيون

119

على اعتبار اني فتحت مطعم صغنن كده على اد فلوسي..و محتاجه أربي زبون هعمل ايه؟ارخص اسعاري شويه..و اجيب شيفات يطلعولي الاكل حلو و جودته محترمه..سهله اهي..ننزل الصين بقى و تحديداً مقاطعة جانغسو..هتلاقي مطعم هناك بيقدم مكرونه تجنن و اللي يروح يجربها لازم يروح تاني و يبقى زبونهم..طب ما كويس ده تلاقي الراجل صاحب المطعم ده عنده شيفات ايه فل الفل ده ربنا يباركله 🙂المهم بالصدفه كده البوليس هناك قبض على شخص مدني عادي خالص لسبب ما..و أخدوا عينة دم لأنهم محتاجين ده و حللوها و لقوا في دمه نسبة أفيون..طب ما ده طبيعي طالما البوليس قبض عليه يبقى عامل بلوه أو مدمن مخدرات..بس الراجل المدني الغلبان ده ياعيني مش مدمن مخدرات يعني تاريخه في الحته دي نضيف جدا..طب ما حاجه غريبه برضه اومال المخدر ده جه منين و دخل جسمه ازاي؟؟؟
عمو صاحب المطعم بدل ما يجيب شيفات و كده لا راح جاب مخدر محترم جدا و اللي هو الأفيون و بقى يحطه في أطباق المكرونه للزباين عشان يدمنوا المكرونه بتاعته 😋🙂 و بس اهو انقبض عليه و بيحققوا معاه و هيلبسله تأبيده أقل حاجه يعني…ف خلوا بالكم بقى يا جماعة لو أكل مطعم معين علق معاكم😂

قد يعجبك ايضآ
تعليقات
Loading...