حرب البسكوت بقلم شريف درويش

60

حرب البسكوت

حرب بتبدأ من غير صوت

لحد ما تيجى تقول مش دافع

خليك أحسن هادى وكيوت

وده تهديد م العاقلة مراتك

سندك أوقات أزماتك

جايبة حماتك

وعيالك جبهة إنقاذ

من غير ألفاظ

ماسك نفسك ف مفاوضات

قولتلهم أنا مش غلاّط

رمضان خلالنا الوزن تقيل

بقيتى يا حماتى ف حجم الفيل

مش لازم كحك ما كلنا خشاف

اتقلبت حرب استنزاف

و الأسلحة ف الحرب مباحة

العيلة كلها مش مرتاحة

وعنيهم بتطق شرار

زى الشطار

رفعت الراية البيضا كالعادة

ورحت سحبت فلوس بزيادة

واتورطت ف ليستة طلبات

وبعد زعيق وعراك نرفزة وعياط

جبت المطلوب

مفيش م المكتوب ده هروب

دوول روحهم فيك

ادفع ف عيدية أدبا ليك

وإياك تانى مرة تعلن عصيانك

تتمرد على حرم معاليك

قد يعجبك ايضا
تعليقات
Loading...

This website uses cookies to improve your experience. We'll assume you're ok with this, but you can opt-out if you wish. Accept Read More