طريقة عمل بط الروستو


0 34

الوصفة : بط روستو
بطة 3كيلو 🙏
3بصل مبشورة
1طماطم مبشورة
3فص ثوم قطع
2فلفل رومي مفروم
كيلو بطاطس
نص كيلو جزر
روز ماري أو زعتر عود
كوب عصير برتقال
ملعقة كبيرة بشر برتقال
3ملعقة كبيرة صلصة
2ملعقة كبيرة زيت
ملعقة كبيرة خل
رشة جوزة الطيب
فلفل اسود
ملح
طريقه التحضير :-
اولا نغسل البط كويس قوي وننضقه كويس من الريش ولو مش عارفين ننضف الريش كويس ممكن نغلي مياه فيها ورقه لورا وفص حبهان وملح وفلفل ومالي البطه فيها لمده عشر دقائق الريش هايطلع منها بسهوله وبعدين نقلبها في التتبيلة 👌أما بقا التتبيلة نعملها ازاي في الكبه هانضيف البصل والطماطم والفلفل والروز مارى أو الزعتر الفريش ومعلقه الصلصه والزيت والخل ورشه جوزة الطيب والملح والفلفل ونشغل الكبه عليهم بس عايزين التتبيلة خشنه مش ناعمه يعني بلاش الخلاط وبعد كده نضيف الخليط بتاع التتبيلة في بوله ونبشر عليه شويه من البرتقان القشر يعني اللي لونه برتقاني بس بلاش الجزء الأبيض وبعدين نعمله عصير ونضيف علي التتبيلة
ونقلب فيه البطه كويس والبسكينه نشك الصدور والوراك من جوة عشان تستوي كويس وما تخدش وقت ويسلام لو سبنا البطه في التتبيلة من قبلها بيوم عشان تشرب وتبقه طعمها حلو وتستوي بسرعه وبعدين بقايا التتبيلة هانضيفه علي الخضار مع كوباتين مياه ونحط الخضار في صنيه كبيرة وعليهم البطه وتدخلها الفرن لمده من ساعه ونص لساعتين وهي متغطيه كويس أو في كيس حراري وبعدين نفتح الغطاء (الفويل يعني أو الكيس الحراري وبعدين ندخلها الفرن علي درجه عاليه عشان تتحمر وبالف هنا وشفا ومتنسيش دعوة حلوة ولايك ومشاركه


اترك رد

لن يتم نشر عنوان بريدك الإلكتروني.