عودة شيريهان تثير ضجه برشاقتها وخفة ظلها


0 111

احتفى رواد مواقع التواصل الاجتماعي بعودة الفنانة شيريهان إلى الظهور على الشاشة من جديد من خلال تقديمها لأحد إعلانات شركات الاتصالات.

وكتب أحد المتابعين على الفيسبوك: «إعلان شاريهان بتاع فودافون مبهج جدا وعبقري بغض النظر عن جمال شعرها وخفة حركاتها عجبنى في الإعلان إنه جسد الحادثة اللي حصلتلها ومع ذلك قدرت ترجع تاني وتقف على رجلها

متابع آخر سعى لتفسير الإعلان وكتب: «الناس اللي مفهمتش إعلان شريهان.. شريهان الجميلة المبهجة بتحكي قصة حياتها بمنتهى الذكاء ف الإعلان.. ازاي ابتدت زمان وازاي حلمت وازاي نجحت.. وازاي اتعرضت لازمات صحيه واهمها مشكله في ضهرها وتحديدا في العمود الفقري». وأضاف أن ذلك «ظهر ف مشهد كامل ف الاعلان وهي راكبه عربيه وبتسوق شويه وبعدها بتطير لفوق «وده رمز ل قصة الحادثه اللي حصلتلها سنة ١٩٨٩» وكانت سبب ف اصابتها بكسر في العمود الفقري كان هيكون سبب ف اصابتها بشلل».

وتابع «لكنها عملت حوالي ٣٠ عملية كلهم اصعب من بعض.. ومرت بفترة حرجة جدا ف حياتها.. وده اللي ظهر برضه ف الإعلان وهي ف أوضة العمليات وحواليها دكاتره.. ومن بعدها قامت ورجعت تاني زي الاول وأقوى وأجمل».

واختتم «اعلان شريهان رسالة أمل لكل الناس المحبطين.. ودليل اننا ممكن بعد أي أزمة ومشكله نقوم تاني زي الأول وأحسن


اترك رد

لن يتم نشر عنوان بريدك الإلكتروني.