أنا أعيش في سجن أبدي مع والدي


0 68

كتبت : رشا عبد الحكيم

في هذا العالم توجد تصرفات ومواقف قد تحدث وتكون بمثابة الوقود الذي الذي يغير حياتنا كلها كنار ملتهبة قادره علي إلتهام أخر نقطة تحمل وحلم لنا ، فالخذلان والضياع أحساس يمكن مقاومتة لأنة متوقع من معظم الناس ولكن تأتي الصدمة عند أحساسنا بهذا الشعور وسط الأهل السند والظهر .

قامت بمراسلتنا بعض قراء جريده الحوار الدولية لرصد وحل مشاكلهم وهذه المشكلة الأولي :

تقول المدعوه (س.م) كرهت حياتي ونفسي أموت انا تعبانة اوي ومش متخيلة الحياه ، انا دلوقتي عندي 23 سنة وحسة ان عندي 90 سنة ، من كتر الضغوط والمشكلات الي أهلي حطيني فيها الناس كلها بتتكلم وتقول اهلي أبويا بس انا عمري ما أفتكرت كلمة أبويا الا بالمشاكل والهموم والضرب والأهانة .

انا مشكلتي من زمان اوي الأهانة والضرب أبويا ديما بيقلل مني ومبيحبنيش مش عرفة هو خلفني لي ، مع اني شاطره وحتي في دراستي بذاكر كويس وجبت مجموع كويس أوي في الثانوية وكان حلم حياتي ادخل كلية أقتصاد وعلوم سياسية ، وجبت مجموع الكلية دي بس هو رفض قالي بالحرف كده انتي هتعيشي لوحدك أزاي يا صايعة انتي عوزه تعيشي علي حل شعرك وبهواكي ومش عوزك تدخلي اي كلية انتي تترمي في البيت ولو حبكت اوي اي كلية في البلد دي .

وللاسف لاني عوزه أكمل تعليمي وافقت بس قررت أدخل كلية حقوق ممكن أعرف في يوم من الأيام أجيب حق نفسي ، علشان الذل والأهانة دول وكملت بس هو حكم عليا وكان عاوز يلبسني خمار بس بعد ذل كتير وافق اكون بطرحة  ، وفي يوم كان في مناسبة خطوبة فحطيت ميكياج بسيط هزأني قدام الكل وروحت بالضرب ، وقرر مكملش تعليمي وبالفعل قعدني من الكلية ولما جة عريس يتقدملي ضربني لأنة مش قريبي فقال اني علي علاقة بية ورفض وكان هيموتني من الضرب مشكلتي معاه انة بيقول عليا اني عار وبنت بيعامل اخواتي الرجالة احسن مني مليون مره انا بكرهة وبكره امي لانها مبتاخدشي حقي وبتسكت وتسيبو يهزأني وديما شيفة أنة صح وحتي أخواتي محدش واقف معايا حسة العيلة كلها جاية عليا مش فاهمة لي مع لني مبغلطشي بس ديما انتقاض حتي في ضحكتي شيفنها وحشة .

انا بفكر اموت نفسي أو أموتة انا تعبت وقرفت أرجوكي أفيديني بالحل .

     الحل 

حبيبتي الدنيا دي مش سهلة بالعكس كلنا عندنا مشاكل بس أنتي ممكن بتبصي من زاوية واحده ، انتي كل كلامك بتتكلمي عن باباكي ومعاملتة من وجهة نظرك بس مبتقوليش اي ردود أفعالك أكيد أحنا مش ملايكة ممكن تكوني بتعملي رد فعل يضايقو هو لي بيضربك ممكن بتردي علية مثلا طب بتقولي ان مفيش حد من مامتك وأخواتك بيقف قصادو ممكن أنتي بتغلطي بس أنتي مش حسة .

حاولي تشوفي الجزء الكويس من حياتك ,انك ليكي أهل ربنا يكرمهم ومهما باباكي غلط أو كان قاسي صعب تفكري أنك تموتية أو تشوفي موتو الحل للاسف أنتي كده بدمري نفسك بالكره حاولي تحبي نفسك وحياتك وباباكي صدقيني الأهل مهما قسو علينا فليهم حسابات مختلفة والأب مهما قسي فهو ظهر وسند ونعمة متفكريش انة لما يموت هترتاحي بالعكس ظهرك هينكسر لأنو حاميكي .


اترك رد

لن يتم نشر عنوان بريدك الإلكتروني.