عمرو أديب: نمبر وان مستفز في بلد فيها الناس بتطفح الكوتة عشان تجيب رزقها


0 64

 

علق الإعلامي المصري ”عمرو أديب” خلال حلقة يوم أمس الجمعة من برنامجه الحكاية على مقطع الفيديو الذي نشره ”محمد رمضان” .

انتقد الاعلامي عمرو أديب ظهور محمد رمضان في الفيديو المتداول الايام الاخيرة وهو يلقي بدولارات في مياه حمام السباحة كردا منه على الحكم الذي صدر ضده بدفع تعويض تبلغ قيمته 6 مليون جنيه للطيار ” أشرف أبو اليسر ”.

ووصف أديب ما قام به بالمستفز وأنه أصبح عدو نفسه .. فقال : ” فيديو مستفز جدا لشعب مصر قاعد في البسين وبيرمي دولاارات في الماية والدولاارت حقيقية أو غير حقيقية مش ده موضوعنا .. شئ مستفز في بلد فيها الناس بتطفح الكوتة عشان تجيب رزقها ” .

واشار : ” هو بيقولنا إيه إن الفلوس دي عالجزمة متهموش إنه النعمة دي متفرقش معاه .. الأستاذ نمبر وان أثار حفيظة عدد كبير من الناس اللي بتحبه .. الراجل ده بصراحة بقى عدو نفسه متفهمشي دماغه بقى فيها إيه وبيفكر إزاي .. اشرحلي إيه الفكرة .. يا نمبر وان إنت مش ملاحظ إنك بقالك سنة بتعمل مصايب ” .

وأضاف عمرو أديب : ” الناس اللي انت استفزتها دي بتبلعلك أي حاجة كل ما يحصل حاجة يقولك لا ميقصدش إنما الموضوع المرة دي الناس مش مستحملاه .. انت ربنا باركلك وبقى عندك فلوس ومش إنت لوحدك اللي عندك فلوس فيه ناس كتير عندها فلوس وأدك 100 مرة ومبيعملوش كده ” .

واستكمل : ” ده بطر يا ابني واللي ادهالك قادر يسحبها منك في ثانية قبضة واحدة فجأة كل ده يضيع .. ليه استفزاز الناس وتكره الناس فيك ده بدل ما تقول احنا غلطنا .. الناس اللي أنت استفزتهم دول هما اللي عملوك وأنت جزء كبير منك صناعة سوشيال ميديا .. إيه المانع أنك تعتذر للناس وتقولهم مقصدش ” .


اترك رد

لن يتم نشر عنوان بريدك الإلكتروني.