الطبلجية.. بقلم شريف درويش


0 51

تعرف إنت الطبلجية ؟

بيقولوا دوول صحاب قضية

لأجل تبقى العيشة حلوة

والفلوس سهلة وطرية

والكفاح لابد منه

مع اللى مع وضد اللى ضده

والطريق لو حاوطه سور

فيه كلام معسول يهده

يعنى يبقى أخ فاضل

عمر ف التعريض مناضل

أو حتى مثلأ أخت فاضلة

ماسكة رق صاجات وطبلة

كل صنف طريقه سالك

يا منجى من المهالك

وكله ماشى بالقانون

وبالأصول وبالمبادئ

شوفوا حتى ساكسونيا تون

نغمة فى موبايل أبلة فاتن

الجميلة صاحبة مفاتن

عشق الوظيفة ف دمها

والهمبكة أسلوب حياة

وسير العمل يشهدلها

نيجى للصنف اللى بعده

كاتم إيمانه جوا قلبه

خايف لايجهر بيه سيادته

يعرف زمايله ويرجموه

والطبلة أصلأ دى وارثها

عن جدود أجداد أبوه

كله ماشى ف السليم

والموضوع صعب وقديم

وإحنا اللى نقدر نقوله

استغفر الله العظيم


اترك رد

لن يتم نشر عنوان بريدك الإلكتروني.