على مبدأك…بقلم شريف درويش


0 47

على مبدأك
كدبت صدقت ،أنا برضه مصدقك
بطلت أفتش ف النوايا
مين عليا ومين معايا
أنا من كتر الجروح ف ضهرى
بقيت كإنى ميدان رماية
اللى خانى واللى مستنى
اللى ندّل واللى طبّل
كله ركب خيول تصهلل
جريوا بيها سابوني وحدى
سحبوا البساط اللى كان تحتى
منهم قرايب ومنهم صحاب
عشرة أيام اتحولت تراب
والوشوش إللى كات تضحكلك
انهارده بتضحك عليك
وقت المصلحة كانوا تحت رجليك
شبيك لبيك
مش بيغير الزمن النفوس
الزمن ملوش ف أشكال الفلوس
أنا كنت مأمنلك مكنتش مسرقك
حاجى دلوقتى وأقولك مش مصدقك
خلينى م الصدمة أفوق و أقوم
وخليك إنت على مبدأك‘ّ


اترك رد

لن يتم نشر عنوان بريدك الإلكتروني.