سعيده يا مصر بقلم الشاعرة فاطمه بيومى


0 133

متابعةدكتور علاء ثابت مسلم
سعيده يامصر
ودايما سعيده
سعيده انى صونتك
ملامحى ف صورتك
ونغمى فى لحنك
ف صوتك..ف صمتك
سعيده انى بنتك
وابنى وبنتى
دايبين ف عشقك
سعيده انى شوفتك
قويه وعنيده
وصابره
وصامده ..لاحلام بعيده
سعيده انى شوفتك لليله
سعيده
ف ليله الممر
فى شرع الاحبه
تمنى الحبيب
اوامر وطاعه
واحلام سيادتك
اوامر مطاعه
وحبك ف قلبي
شرع..
وسنه ودين
وعين اليقين
فلو تسمحى لى
اطلب طلب
وعشقي ترابك
هوه السبب
وعمر المحب مايرفض طلب
عاااايزين ممر
وعايزيين عبور
ولادنا طابور
خطاهم تهد
ميت الف حصن
خطاهم تخطى
ميت الف سور
فلازم يعدوا
ف قلب ..الممر
يملا عيونهم شعاع النور
ويملا كفوفهم تراب
ال ماتوا فى سينا
وعيشنا بموتهم
لا عيشنا ولا كنا
لو يوم نسينا
ترابهم ترابنا
غناهم طربنا
على جبهه
غنوا
وصلوا
وحنوا جباه المصلي
بواد
يصلي
مقدس طوى
يطوى زمان العدا ال انطوى
وقفلوا عليه بقلم وكتاب
حكايه رواها ويرويها نيل
شريان حياه
ده طوق النجاه
وأعظم دليل
يداوى العليل
بحلمه الصغير
باحلامنا يعبر
يمر الممر
عايزيين ممر
يصبح يربح
قوت الغلابه
الصبروا وصاموا
وصلوا وضحوا
ف زمان الديابه
وحوش كل غابه
ونابهم مانابهم
مابينا ملوك
بالانابه
ف عايزين ممر
بصوره لجيلنا
بنادق سلاح
تحيه علم
وصوره لطابور الصباح
ف حوش مدرستنا
تحوش الحواشي
وتشرح ل بكره
ممر ب فكره
وتهدى التحيه
وتهدى السلام
حمامه وغصن
زتون من سينا
ترابها ده لينا
يقر عيوننا
يقرر مصيرنا
ممر السلام
ل ضفه..امان
تأمن قلوبنا
تطبطب تطمن تطيب
تداوى جروحنا
وتدوى فى صروحنا
تحيه وسلام
ونمشي بفكره
هتبني لنا بكره
معااابر..تكابر
وتصمد ف قلب الممر
وعايزيين ممر
ف قلوبنا
عقولنا
حياتنا
وجراحنا
ف بيوتنا
ومن جوه دارنا
ل جارنا
ممر ..يجمع
صوتنا يسمع
عيونا تدمع
بفرحه تلمع
عيون ال ..مر
تحلى ليالي
سكرها..مر
تزيدها حلاوه
وتبقي سعيده
ولو ليله واحده
ف ليله الممر


اترك رد

لن يتم نشر عنوان بريدك الإلكتروني.