حوادث و قضايا

الإدارة العامة للمرور ” امنــك على الطــريق فى سطــور “

محمد عبدالعال
وإنت سايق..(إحتفظ بمسافة مناسبة بينك وبين اللى قدامك ” 4 متر لكل 10 كم. سرعة “.وخد بالك إنه 30% من الحوادث بسبب عدم ترك مسافة الأمان .
وإنت سايق.. (إجعل إستخدامك للهاتف المحمول للضرورة)،وخد بالك إنه نسبة كبيرة من الحوادث سببها إستخدام الهاتف المحمول .
لما تلاقى عربية طوارئ ( إسعاف- شرطة أو مطافى) “وإنت سايق” وسعلها الطريق وخد بالك إنها رايحة تنقذ مصاب أو تطفى حريق ) .
خد بالك.. السير بدون لوحات معدنية “مخالفة جسيمة” تضعك تحت طائلة القانون .
وإنت سايق.. داخل المدينة متستخدمش الأنوار العالية وخد بالك ( إنه دة بيمنع قائد السيارة فى الإتجاه المعاكس من الرؤية تماماً لمدة 7 ثوانى ) .
خد بالك.. إجراء الصيانات الدورية لعربيتك (هيحميك من حدوث أعطال مفاجئة،تكلفة تصليحها بيبقى أضعاف تكلفة الصيانة الدورية،دة غير إنك بتعطل الطريق ) .
خد بالك.. ( لازم تزبط وضع المرايات الجانبية قبل ما تتحرك ) .
وإنت سايق.. لو عاوز تتخطى العربية اللى قدامك، إتأكد أنه شمالك فاضى وخد بالك إنه التجاوز الخاطئ سبب أساسى فى حوادث كثير.
وإنت سايق.. إستخدم الإشارات الضوئية الجانبية قبل ما تدخل بالعربية يمين أو شمال (وخد بالك إنه ده لازم يبقى بوقت كافى لتنبيه العربية اللى وراك) .
خد بالك.. وإنت سايق فى أوقات “سوء الأحوال الجوية ” ( هدى السرعة – حافظ عالتهوية داخل العربية عشان الشبورة – إتأكد من كفاءة مساحة الزجاج – إستخدم أضواء العربية للتنبيه وقت الضباب).
وإنت سايق.. إتأكد دايماً من ضبط مستوى الهوا داخل إطارات السيارة..وخد بالك إنه الإطار الإحتياطى لازم يبقى جاهز لأى عُطل مفاجئ .

ريهام عبدالله

بكالريوس إعلام جامعة القاهرة قسم العلاقات العامه والإعلان عام 2016 .
زر الذهاب إلى الأعلى