عالم حواء

طبق الفول

هاله محمود

تقريباً مفيش مائدة إفطار بتخلى منه.
طبق الفول من الأطباق الشعبيّة اللي اشتهرت من زمان أوي، وهو بينتمي للبقوليّات، ظهر أول مرة فى منطقة آسيا الوسطى وطبعاً مصر هي الدولة الأكثر شعبيّةً في إعداد الطبق ده.
طيب ليه الفول عظيم ؟
لإنه بيتمتع بفوائد صحية كتير … زي :
– إنه بيحافظ على نسبة السكر في الدم فبيخليه ميزيدش ولا يقل عن النسبة المسموح بيها.
-تاني حاجة إنه بيسهل عملية تكوين خلايا الدم الحمراء وبيحافظ على قوة العظام ويقي من حدوث هشاشة.
– كمان بيساعد فى القضاء على التوتر والأجهاد وبينشط القلب والأوعية الدموية وده لإنه بيحافظ على مستوى الكوليسترول فى الدم فبيقاوم التجلطات المفاجئة.
– بيقاوم مرض السرطان و خصوصاً سرطان الأنف والفم وده لإحتوائه على مواد كيميائية بتساعد في مقاومة مرض السرطان.
– قشر الفول ليه دور مهم في علاج الإمساك .
– الفول فعّال جداً في عملية خفض ضغط الدم عند السيدات في مرحلة سن اليأس اللى بيمروا بيها.
– بيقوي المناعة ضد الأمراض الخطيرة وبيمنع وصول المواد الضارة للمخ اللى ممكن تأثر على إفراز مادة السيراتونين اللي بتسبب السعادة للفرد .
– و أخيراً وليس آخراً .. إنه مناسب فى الأنظمة الغذائية وده لإن سُعراته قليلة.
“كل ١٠٠ جرام من الفول فيه حوالي ١١٠ سُعر حراري”
عايزين تعرفوا إزاي تاكلوا الفول المدمس فى الدايت ؟
جيبوا علبة فول مدمس ” “مع رشة ملح و وكمون مع عصير ليمون .
ولو حابين تضيفوا زيت ممكن ملعقتين زيت زيتون .
وبألف هنا.
عرفتوا بقى ليه الفول عظيم ؟
مع تحياتي بالصحه والعافيه
خبيرة التغذيه هاله محمود

ريهام عبدالله

بكالريوس إعلام جامعة القاهرة قسم العلاقات العامه والإعلان عام 2016 .
زر الذهاب إلى الأعلى