عالم حواء

نصائح وفوائد للسيدات

كتبت هيام عبد العظيم

للترطيب ملعقه جلسرين وملعقه ليمون وملعقه زيت لوز حلو ده يومي مره واحده

(للايدين)زيت زيتون وشويه ملح مرتين صبح وليل هتخلي ايدك زي الحرير

(للرجلين )ماء ساخن في طبق على قد ما رجلك تتحمل وشوية بيكنج بودر وفنجان خل وانقع رجلك ع قد ما تقدري وادعكي رجلك بالحجر ورطبي بكريم او فازلين

(للرقبه والسره ) اعملي ماسك لرقبتك وسرتك بلبن بودره ونشا وماء ورد واغسليه بس من تحت لفوق وامسحي بعد كده بماء ورد مره في الاسبوع

متنسيش سرتك تنضفيها كويس وحطي فيها نقطه زيت عطري من غير كحول واتفرجي ع الريحه الجميله

اعملي سكراب لجسمك كله هاتي شوية رده على كوب زبادي وافرديه ع جسمك واول ما ينشف تفركي جسمك كله

عد ما تعملي السكراب لجسمك متخرجيش من الحمام بلي جسمك و تكوني محضره
كوب ماء وحطي شويه شور جل وشويه خل وشويه كربوناتو (بيكربونات الصوديوم) حبه صغيره وتخلطيهم وتدعكي جسمك كله بالليفه وبعدها هتلاقي جسمك بيزيق من النظافه واول ما تخلصي ادهني جسمك بزيت جونسون اطفال وحطي فيه شويه زيت عطري من غير كحول دي مره كا اسبوع واتفرجي ع النضافه والبياض

_ومتنسوش اللي عاوزه تفتح جسمها قبل فرحها تستخدم وصفتي الرهيييبه للتفتيح
بودره جونسون وزيت جونسون وجلسرين سايل بنسب متساويه علي قد جسمك ومعاهم ليمونه وحطيها ع جسمك ونامي بييها و اتحممي الصبح

بعد الشاور ادهني جسمك كله بزيت زيتون خام هتحس بترطيب رهيب

قبل عمل السويت وبعده حطي بودرة تلك أو جونسون بتبرد الجلد و بتقلل الوجع و لو بنسبه بسيطه + مرهم بريدوكايين Pridocaine كمخدر موضعي للأماكن الحساسه

زيت الزيتون .. زيت السعد .. زيت النمل .. بعد السويت بيقلل نمو الشعر ومع الوقت بيختفي
أهم حاجه يكونوا خااام ولا تخلطيهم ببعض كل يوم نوع لمدة أسبوع

صنفرة الشفايف مهمه جدا ( زيت زيتون . سكر ) و بعدها ادهني فازلين طبي ونامي

ريهام عبدالله

بكالريوس إعلام جامعة القاهرة قسم العلاقات العامه والإعلان عام 2016 .
زر الذهاب إلى الأعلى