ممنوعات ومحذورات لبشرتك سيدتي
كتبت هيام عبد العظيم
١- ممنوع تحطي علي بشرتك ليمون نهااائي لو فيها حبوب او حساسة وبتلتهب من أقل حاجة
٢- اي زيت عايزة تجربيه علي بشرتك ومش عارفه بيعملك حساسية ولا لأ ممنوع تجربيه علي بشرتك ( امسحي منه علي رقبتك من ورا ) وسيبيه لمدة ١٢ ساعة لو عمل تهيج او احمرار يبقي بشرتك بتتحسس منه ☹☹
٣- ممنوع تستخدمي زيت الزيتون حوالين منطقة العين (لإنه مع الأسف هيزود إسمراراها )
٤- ممنوع اتعمال زيت اللوز ( الحلو + المر ) معا غلط شاااائع انهم بيجيبوا نتيجة أسرع بالعكس بيهيجوا البشره وبيقلبوا بحساسية
٥- استخدمي اي نوع زيوت او كريمات علي بشرتك بطريقة التدليك (مساااج ) عشان تجيب نتيجة افضل واقوي
٦- بلاش استعمال الزيوت نهارا استخدمي الزيوت واي كريمات سواء للشعر او البشرة بالليل قبل النوم بساعة مثلا عشان بشرتك تستفيد طووول الليل منهم بنسبة أكبر
٧- استخدمى كريم العين مرتين فى اليوم عشان تغذى المنطقه الى تحت العين وتفضل مشرقه
٨- ممنوع تتركي رجلك تشقق استعملى سكرب قدم او كريم مقشر وبعدين استخدمى مرطب والبسى شراب قطن لمده نص الى ساعه
٩- ممنوع تعملي اي ماسك داخل فيه ( القرفة او القهوة ) لو بشرتك حساسة او فيها حبوب
١٠- البشرة الجافة والعادية بيحتاجوا ترطيب عالي جدااا خاصة في الشتا
١١ – ممنوع ترك بشرتك الدهنية من غير تنضيف لان البشرة الدهنية والمختلطة بتحتاج تنضيف مرتين ل٣ مرات في اليوم بغسول مناسب ليها
١٢- ممنوع تسيبي ايدك بعد غسيل المواعين مهم اوووي ترطبي ايدك كل يوم قبل متنامي بكريم بتحبيه
