عالم حواء

بسكويت سادة للشاي

كتبت هيام عبد العظيم

بسكويت سادة ولا أطعم ولا أسهل ولا أسرع وبزيت مش زبدة وفي الخلاط كمان وطريقة تشكيل سهلة.بسم الله
البسكويت السادة
المقادير
2كوب دقيق ممسوحين
نصف كوب سكر بودرة
نصف كوب نشا
نصف كوب زيت ذرة ومعاه معلقة سمن
2بيضة حجم صغير
فانيلا
نصف معلقة صغيرة بيكنج بودر
رشة ملح

الطريقة

في الخلاط هننزل بالزيت والسكر ونضرب يمتزجوا وبعدين البيض والفانيلا ونضرب ونفضي الخليط ده في بولة.
نكون ناخلين الدقيق والبودر والنشا وقلبناهم سوا وننزل بيهم شوية بشوية علي خليط البيض لحد ما العجينة تلم معايا وتكون مش ملزقة غطيها بالتلاجه شوية علي بال ماتكوني حضرتي النشابة والصاج وتفردي كيس وتحطي فوقه العجينة وكيس تاني فوقها وافردي بالنشابة سمك وسط مش تقيل ولا رفيع يتحرق منك وبكوب او قطاعه مدورة وشكلي البسكويت ورصيه بالصاج المدهون زيت بسيط وهتجيبي بقي فرشة شعر جديدة بلاستيك المدورة دي من أي مكتبة بجنيه واضغطي بيها عالبسكوته هتبصم الشكل المنسق ده وممكن تعمليها بحجم الفرشة وممكن تصغريها براحتك وعالفرن الساخن علي 180درجة أول ماتستوي من تحت ولعي الشواية تاخد لون بسيط وبالف هنا حلوة جدا

ريهام عبدالله

بكالريوس إعلام جامعة القاهرة قسم العلاقات العامه والإعلان عام 2016 .
زر الذهاب إلى الأعلى